Bible·textarchiv
80

1 in finem pro torcularibus Asaph

2 exultate Deo adiutori nostro iubilate Deo Iacob

3 sumite psalmum et date tympanum psalterium iucundum cum cithara

4 bucinate in neomenia tuba in insigni die sollemnitatis nostrae

5 quia praeceptum Israhel est et iudicium Dei Iacob

6 testimonium in Ioseph posuit illud cum exiret de terra Aegypti linguam quam non noverat audivit

7 devertit ab oneribus dorsum eius manus eius in cofino servierunt

8 in tribulatione invocasti me et liberavi te exaudivi te in abscondito tempestatis probavi te apud aquam Contradictionis diapsalma

9 audi populus meus et contestabor te Israhel si audias me

10 non erit in te deus recens nec adorabis deum alienum

11 ego enim sum Dominus Deus tuus qui eduxi te de terra Aegypti dilata os tuum et implebo illud

12 et non audivit populus meus vocem meam et Israhel non intendit mihi

13 et dimisi illos secundum desideria cordis eorum ibunt in adinventionibus suis

14 si populus meus audisset me Israhel si in viis meis ambulasset

15 pro nihilo forsitan inimicos eorum humiliassem et super tribulantes eos misissem manum meam

16 inimici Domini mentiti sunt ei et erit tempus eorum in saeculo

17 et cibavit illos ex adipe frumenti et de petra melle saturavit illos

Read in another translation
DE Lutherbibel 1912 Ein Psalm und Zeugnis Asaphs, von den Rosen, vorzusingen. Du Hirte Israels, höre, der du Joseph hütest wie Schafe; erscheine, der du sitzest über dem Cherubim! EN World English Bible1997 <<For the Chief Musician. To the tune of "The Lilies of the Covenant." A Psalm by Asaph.>> Hear us, Shepherd of Israel, you who lead Joseph like a flock, you who sit above the cherubim, shine forth. FR Traduction de Louis Segond 1910 (80:1) Au chef des chantres. Sur les lis lyriques. D`Asaph. Psaume. (80:2) Prête l`oreille, berger d`Israël, Toi qui conduis Joseph comme un troupeau! Parais dans ta splendeur, Toi qui es assis sur les chérubins!