Bible·textarchiv
40

1 in finem psalmus David

2 beatus qui intellegit super egenum et pauperem in die mala liberabit eum Dominus

3 Dominus conservet eum et vivificet eum et beatum faciat eum in terra et non tradat eum in animam inimicorum eius

4 Dominus opem ferat illi super lectum doloris eius universum stratum eius versasti in infirmitate eius

5 ego dixi Domine miserere mei sana animam meam quoniam peccavi tibi

6 inimici mei dixerunt mala mihi quando morietur et peribit nomen eius

7 et si ingrediebatur ut videret vane loquebatur cor eius congregavit iniquitatem sibi egrediebatur foras et loquebatur

8 in id ipsum adversum me susurrabant omnes inimici mei adversus me cogitabant mala mihi

9 verbum iniquum constituerunt adversus me numquid qui dormit non adiciet ut resurgat

10 etenim homo pacis meae in quo speravi qui edebat panes meos magnificavit super me subplantationem

11 tu autem Domine miserere mei et resuscita me et retribuam eis

12 in hoc cognovi quoniam voluisti me quoniam non gaudebit inimicus meus super me

13 me autem propter innocentiam suscepisti et confirmasti me in conspectu tuo in aeternum

14 benedictus Dominus Deus Israhel a saeculo et in saeculum fiat fiat

Read in another translation
DE Lutherbibel 1912 Ein Psalm Davids, vorzusingen. Ich harrte des HERRN; und er neigte sich zu mir und hörte mein Schreien EN World English Bible1997 <<For the Chief Musician. A Psalm by David.>> I waited patiently for Yahweh. He turned to me, and heard my cry. FR Traduction de Louis Segond 1910 (40:1) Au chef des chantres. De David. Psaume. (40:2) J`avais mis en l`Éternel mon espérance; Et il s`est incliné vers moi, il a écouté mes cris.