10
1 למה יהוה תעמד ברחוק תעלים לעתות בצרה׃
2 בגאות רשע ידלק עני יתפשו במזמות זו חשבו׃
3 כי הלל רשע על תאות נפשו ובצע ברך נאץ יהוה׃
4 רשע כגבה אפו בל ידרש אין אלהים כל מזמותיו׃
5 יחילו דרכו בכל עת מרום משפטיך מנגדו כל צורריו יפיח בהם׃
6 אמר בלבו בל אמוט לדר ודר אשר לא ברע׃
7 אלה פיהו מלא ומרמות ותך תחת לשונו עמל ואון׃
8 ישב במארב חצרים במסתרים יהרג נקי עיניו לחלכה יצפנו׃
9 יארב במסתר כאריה בסכה יארב לחטוף עני יחטף עני במשכו ברשתו׃
10 ודכה ישח ונפל בעצומיו חלכאים׃
11 אמר בלבו שכח אל הסתיר פניו בל ראה לנצח׃
12 קומה יהוה אל נשא ידך אל תשכח עניים׃
13 על מה נאץ רשע אלהים אמר בלבו לא תדרש׃
14 ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃
15 שבר זרוע רשע ורע תדרוש רשעו בל תמצא׃
16 יהוה מלך עולם ועד אבדו גוים מארצו׃
Read in another translation
DE Lutherbibel 1912 HERR, warum trittst du so ferne, verbirgst dich zur Zeit der Not? EN World English Bible1997 Why do you stand far off, Yahweh? Why do you hide yourself in times of trouble? FR Traduction de Louis Segond 1910 Pourquoi, ô Éternel! te tiens-tu éloigné? Pourquoi te caches-tu au temps de la détresse?