2
1 בני אם תקח אמרי ומצותי תצפן אתך׃
2 להקשיב לחכמה אזנך תטה לבך לתבונה׃
3 כי אם לבינה תקרא לתבונה תתן קולך׃
4 אם תבקשנה ככסף וכמטמונים תחפשנה׃
5 אז תבין יראת יהוה ודעת אלהים תמצא׃
6 כי יהוה יתן חכמה מפיו דעת ותבונה׃
7 וצפן לישרים תושיה מגן להלכי תם׃
8 לנצר ארחות משפט ודרך חסידו ישמר׃
9 אז תבין צדק ומשפט ומישרים כל מעגל טוב׃
10 כי תבוא חכמה בלבך ודעת לנפשך ינעם׃
11 מזמה תשמר עליך תבונה תנצרכה׃
12 להצילך מדרך רע מאיש מדבר תהפכות׃
13 העזבים ארחות ישר ללכת בדרכי חשך׃
14 השמחים לעשות רע יגילו בתהפכות רע׃
15 אשר ארחתיהם עקשים ונלוזים במעגלותם׃
16 להצילך מאשה זרה מנכריה אמריה החליקה׃
17 העזבת אלוף נעוריה ואת ברית אלהיה שכחה׃
18 כי שחה אל מות ביתה ואל רפאים מעגלתיה׃
19 כל באיה לא ישובון ולא ישיגו ארחות חיים׃
20 למען תלך בדרך טובים וארחות צדיקים תשמר׃
Read in another translation
DE Lutherbibel 1912 Mein Kind, so du willst meine Rede annehmen und meine Gebote bei dir behalten, EN World English Bible1997 My son, if you will receive my words, and store up my commandments within you; FR Traduction de Louis Segond 1910 Mon fils, si tu reçois mes paroles, Et si tu gardes avec toi mes préceptes,